മുംബൈ ഗോരേഗാവ് ഹൗസിംഗ് സൊസൈറ്റിയിൽ ദമ്പതികളെ മരിച്ച നിലയിൽ കണ്ടെത്തി. കിഷോർ പെഡ്‌നേക്കറിനെ (56) ടോപ്പിവാല കോഓപ്പറേറ്റീവ് ഹൗസിംഗ് സൊസൈറ്റിയുടെ കോമ്പൗണ്ടിലെ ചെടിച്ചെടികൾക്ക് സമീപവും ഭാര്യ രാജശ്രീ പെഡ്‌നേക്കറിനെ (54) മൂന്നാം നിലയിലെ ഫ്‌ളാറ്റിൽ മരിച്ചനിലയിലും കണ്ടെത്തിയത്. രാജശ്രീയെ കഴുത്ത് ഞെരിച്ച് കൊലപ്പെടുത്തിയ ശേഷം കിഷോർ കെട്ടിടത്തിന് മുകളിൽ നിന്ന് ചാടിയതാകാമെന്നാണ് പൊലിസ് നിഗമനം. കിഷോര്‍ വീണപ്പോള്‍ മരക്കൊമ്പുകൾ പൊട്ടി വീണതായും പൊലീസ് കണ്ടെത്തി. അതേസമയം മരണത്തിന്‍റെ കൃത്യമായ കാരണം വ്യക്തമാക്കുന്ന പോസ്റ്റ്‌മോർട്ടം റിപ്പോർട്ടുകൾക്കായി കാത്തിരിക്കുകയാണെന്നും പൊലീസ് വ്യക്തമാക്കി.
വസായ്-വിരാർ ഭാഗങ്ങളിൽ ഫിറ്റ്‌നസ് ഉൽപ്പന്നങ്ങളുടെ വിൽപ്നയാണ് കിഷോറിന്. മാനസികാസ്വാസ്ഥ്യം അനുഭവപ്പെട്ടിരുന്ന കിഷോർ ഇതിനായി മരുന്ന് കഴിച്ചു വരികയായിരുന്നു. രാജശ്രീ മലാഡിൽ ഫിസിയോതെറാപ്പിസ്റ്റായി ജോലി ചെയ്തു വരികയും ആയിരുന്നു. മകൻ ഡൽഹിയിൽ താമസിക്കുകയാണ്.
English Summary: A 56-year-old man committed suicide after strangling his wife
You may also like this video
