വളര്‍ത്തുനായയെ പട്ടിയെന്ന് വിളിച്ചതിന് അയല്‍ക്കാരനെ കുത്തിക്കൊന്നു. തമിഴ്നാട് ഡിണ്ടിഗലിലാണ് നായയെ പേര് വിളിക്കാതിരുന്നതിന് കൊലപാതം നടന്നത്. ഉലഗംപട്ടിയാര്‍കോട്ടം സ്വദേശി രായപ്പനാണ് കൊല്ലപ്പെട്ടത്.
62 വയസ്സുകാരനെ അയല്‍ക്കാര്‍ ക്രൂരമായി കുത്തിക്കൊല്ലുകയായിരുന്നു. സംഭവത്തില്‍ നിര്‍മല ഫാത്തിമ റാണി, മക്കളായ ഡാനിയല്‍, വിന്‍സെന്റ് എന്നിവര്‍ അറസ്റ്റിലായി. വളര്‍ത്തുനായ രായപ്പന്റെ വീട്ടുകാരെ ആക്രമിക്കുന്നത് സ്ഥിരമായിരുന്നു.
ഇതിന്റെ പേരില്‍ ഇരുവീട്ടുകാരും തമ്മില്‍ വഴക്കിട്ടിരുന്നു. വെള്ളിയാഴ്ച വൈകിട്ട് വീട്ടിലേക്കു പോകുകയായിരുന്ന രായപ്പന്‍, നായ കടിക്കാന്‍ വന്നാല്‍ അടിക്കാന്‍ കയ്യില്‍ വടി എടുക്കണമെന്നു പേരക്കുട്ടി കെല്‍വിനോടു പറഞ്ഞിരുന്നു. ഇതുകേട്ട നിര്‍മലയുടെ മക്കള്‍ രായപ്പനെ ആക്രമിക്കുകയായിരുന്നുവെന്നാണ് വിവരം.
English Summary:A 62-year-old man was stabbed to death for calling dog
You may also like this video
