കായംകുളം എംഎസ്എം കോളേജിന് സമീപം ഓടിക്കൊണ്ടിരുന്ന കെഎസ്ആർടിസി ബസ്സിന് തീപിടിച്ചു. കായംകുളം എം എസ് എം കോളജിന് സമീപത്തുവച്ചാണ് അപകടമുണ്ടായത്. ആളപായമില്ല. കരുനാഗപ്പള്ളിയിൽ നിന്ന് തോപ്പുംപടിക്കു വരികയായിരുന്നു. ബസ് പൂർണമായി കത്തിനശിച്ചു. തീപടരും മുൻപ് യാത്രക്കാരെ പുറത്തിറക്കിയതിനാൽ ആർക്കും പരുക്കില്ല. ഓടിക്കൊണ്ടിരുന്ന ബസ്സിന്റെ മധ്യഭാഗത്തും പുറകിലും തീ ആളിപടരുകയായിരുന്നു. നാട്ടുകാരും ഫയർ ഫോഴ്‌സും ചേർന്ന് തീയണക്കാൻ ശ്രമിക്കുകയാണ്. ബസിന്റെ ഡീസൽ ടാങ്ക് ചോർന്നതാണ് അപകടകാരണമെന്നാണ് നിഗമനം.
English Summary: A bus that was running in Kayamkulam caught fire; No casualty
You may also like this video
