മലപ്പുറം വി കെ പടിയില് നിര്ത്തിയിട്ട ലോറിയില് കാറിടിച്ച് രണ്ട് മരണം. വൈലത്തൂര് സ്വദേശി ഉസ്മാ(24)നും മറ്റൊരാളുമാണ് മരിച്ചത്. മൂന്ന് പേരെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. ഇടിയുടെ ആഘാതത്തില് കാർ പൂർണമായും തകർന്നു. ഇന്നലെയായിരുന്നു അപകടം.
തലക്കടത്തൂര് ദര്സിലെ വിദ്യാര്ത്ഥികളാണ് കാറില് ഉണ്ടായിരുന്ന അഞ്ച് പേരും. കാര് അമിത വേഗതയിലായിരുന്നോ എന്നതടക്കമുള്ള കാര്യങ്ങൾ അന്വേഷിച്ചുവരികയാണെന്ന് പൊലീസ് അറിയിച്ചു. അപകടത്തില് ഗുരുതരമായി പരിക്കേറ്റ ഒരാള് കോഴിക്കോട് മെഡിക്കല് കോളേജിലും ഒരാള് കോട്ടക്കലിലെ സ്വകാര്യ ആശുപത്രിയിലും ചികിത്സയിലാണ്. ഒരാള് തിരൂരങ്ങാടിയിലെ സ്വകാര്യ ആശുപത്രിയിലും ചികിത്സയിലാണ്.