തെരുവ് നായയെ കെട്ടിയിട്ട് ആസിഡും പെട്രോളും ഒഴിച്ച അഞ്ച് പേർക്ക് എതിരെ കേസ്

തെരുവുനായക്ക് നേരെ ആസിഡ് ഒഴിച്ച സംഭവത്തിൽ അഞ്ച് പേർക്കെതിരെ കേസ് എടുത്തതായി കർണാടക പൊലീസ്. നായയുടെ മേൽ ആസിഡ് ഒഴിച്ചത് ചോദ്യം ചെയ്ത സ്ത്രീയെയും ഇവർ ഭീഷണിപ്പെടത്തിയിരുന്നു.

മാർച്ച് നാലിന് ബനശങ്കരിയിലെ അംബേദ്കർ നഗറിൽ വച്ചായിരുന്നു പ്രതികൾ ഒരു കാരണവുമില്ലാതെ തെരുവുനായയെ കെട്ടിയിട്ട ശേഷം ആസിഡും പെട്രോളും ഒഴിച്ചത്. പ്രതികൾ മദ്യപിച്ചിരുന്നതായും പൊലീസ് പറഞ്ഞു.

പരിക്കേറ്റ അഞ്ച് വയസുള്ള നായയെ മൃഗസംരക്ഷണകേന്ദ്രത്തിലേക്ക് മാറ്റി. പ്രതികൾക്കെതിരെ വിവിധ വകുപ്പുകൾ പ്രകാരമാണ് കേസ് എടുത്തിരിക്കുന്നത്. സംഭവത്തിൽ അന്വേഷണം പുരോഗമിക്കുകയാണെന്ന് പൊലീസ് പറഞ്ഞു.

eng­lish sum­ma­ry; A case has been reg­is­tered against five per­sons for tying up a stray dog and pour­ing acid and petrol on it

you may also like this video;