പഞ്ചാബിലെ ഹോഷിയാർപൂരിലെ ഗാദ്രിവാല ഗ്രാമത്തിൽ 300 അടി താഴ്ചയുള്ള കുഴൽക്കിണറില്‍ വീണ ആറ് വയസുകാരന്‍ മരിച്ചു. ഹൃത്വിക് എന്ന ആറുവയസ്സുകാരനാണ് മരിച്ചത്. സൈന്യത്തിന്റെ സഹായത്തോടികൂടിയാണ് രക്ഷാപ്രവർത്തനം നടത്തിയത്. ഒമ്പത് മണിക്കൂറിന് ശേഷമാണ് കുട്ടിയെ പുറത്തെടുത്തത്.
ഇന്ന് രാവിലെയോടെയാണ് കുട്ടി കുഴല്‍കിണറില്‍ വീണത്. ദേശീയ ദുരന്ത നിവാരണ സേനയുടെയും സൈന്യത്തിന്റെയും നേതൃത്വത്തിൽ കുട്ടിയെ വൈകീട്ടോടെ കുഴൽക്കിണറിൽ നിന്ന് പുറത്തെടുത്തെങ്കിലും ജീവൻ രക്ഷിക്കാനായില്ല. തെരുവ് നായ്ക്കളുടെ ആക്രമണത്തിൽ നിന്ന് രക്ഷപ്പെടാൻ ശ്രമിക്കുന്നതിനിടെയാണ് കുട്ടി കുഴൽക്കിണറിൽ വീഴുന്നത്.
കുഴൽകിണറില്‍ 100 അടി താഴ്ചയില്‍ കുട്ടി തങ്ങി നില്‍കുകയായിരുന്നു. കുട്ടിയുടെ ആരോഗ്യനില നിലനിർത്തുന്നതിനായി രക്ഷാപ്രവർത്തകർ ഓക്സിജൻ നൽകിയിരുന്നു.
English summary; A child died after falling into a tube well in Punjab
You may also like this video;
