പണം വീതം വയ്ക്കുന്നതിനെ ചൊല്ലിയുള്ള തര്‍ക്കത്തില്‍ യുവാവ് സഹോദരനെ അടിച്ചു കൊന്നു. അട്ടപ്പാടിയില്‍ സംഭവം. പട്ടണക്കൽ ഊരിലെ മരുതനാണ് കൊല്ലപ്പെട്ടത്. തൂമ്പയ്ക്ക് അടിച്ചാണ് സഹോദരൻ പണലി കൊലപ്പെടുത്തിയത്. ഇവരുടെ അമ്മയുടെ പറമ്പിലെ കരിക്ക് വിൽപ്പന നടത്തിയപ്പോൾ ലഭിച്ച പണം പങ്കുവെയ്ക്കുന്നത് തര്‍ക്കമായി മാറുകയും ഇത് കൊലപാതകത്തിലേക്ക് നയിക്കുകയുമായിരുന്നു. ഇന്നലെ വൈകീട്ട് ഏഴുമണിയോടെ ഇരുവരും തമ്മിൽ വാക്കേറ്റം ഉണ്ടായത്. ഇതിനിടയിലാണ് പണലി മരുതനെ തൂമ്പ കൊണ്ട് അടിച്ചത്.അടിയേറ്റ മരുതനെ കോട്ടത്തറ ആശുപത്രിയിൽ എത്തിച്ചു. അവിടെ നിന്ന് തൃശ്ശൂർ മെഡിക്കൽ കോളജിലേക്ക് കൊണ്ട് പോകുന്നതിനിടെയായിരുന്നു മരണം. പണലിയെ അഗളി പൊലീസ് കസ്റ്റഡിയിൽ എടുത്തു.
English Summary:A dispute over the distribution of money from the sale of coconut; His brother was beaten to death
You may also like this video
