എറണാകുളം ജനറല്‍ ആശുപത്രിയിലെ മുന്‍ സീനിയര്‍ ഡോക്ടര്‍ക്കെതിരെ പീഡനപരാതിയുമായി വനിതാ ഡോക്ടര്‍. 2019ൽ ഹൗസ് സർജൻസി ചെയ്യുന്ന സമയത്ത് സീനിയർ ഡോക്ടർ ബലമായി മുഖത്ത് ചുംബിച്ചതായി ഡോക്ടർ ആരോപിച്ചു. ഫേസ്ബുക്കിലൂടെയാണ് ഡോക്ടർ ഇക്കാര്യം പങ്കുവച്ചത്.
വനിതാ ഡോക്ടറിൽ നിന്ന് വിവരം തിരക്കി ആരോഗ്യവകുപ്പ് ഡയറക്ടർക്ക് പരാതി നൽകിയിട്ടുണ്ടെന്ന് ആശുപത്രി സൂപ്രണ്ട് അറിയിച്ചു. ഡോക്ടറുടെ പരാതി പൊലീസിന് കൈമാറുമെന്നും സൂപ്രണ്ട് പറഞ്ഞു. സീനിയർ ഡോക്ടറിനെതിരെ തൊട്ടടുത്ത ദിവസം മുതിർന്ന ഉദ്യോഗസ്ഥരുടെ പരാതി നൽകിയതായി വനിത ഡോക്ടർ പറഞ്ഞു. തന്നെ അപമാനിച്ച ഡോക്ടർ നിലവിൽ ജനറൽ ആശുപത്രിയിൽ നിന്ന് സ്ഥലം മാറി പോയതോടെയാണ് പോസ്റ്റിട്ടതെന്നും ഡോക്ടർ വ്യക്തമാക്കി.
English Summary: A female doctor has accused a senior doctor of Ernakulam General Hospital of sexual assault
You may also like this video
