മഞ്ചേരിയിൽ ബൈക്ക് സൈക്കിളിൽ ഇടിച്ച് അഞ്ച് വയസുകാരന് ദാരുണാന്ത്യം

മലപ്പുറം മഞ്ചേരി നറുകരയിൽ ബൈക്കിടിച്ച് അഞ്ചുവയസ്സുകാരൻ മരിച്ചു. നറുകര സ്വദേശി ഇസിയാനാണ് മരിച്ചത്. സൈക്കിളിൽ പോവുകയായിരുന്ന കുട്ടിയെ ബൈക്ക് ഇടിക്കുകയായിരുന്നു. ഇന്ന് വൈകുന്നേരമാണ് അപകടം നടന്നത്. ഗുരുതരമായി പരിക്കേറ്റ കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റ്‌മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.