മണിപ്പുരില്‍ സഹപ്രവര്‍ത്തകരായ ആറുപേര്‍ക്ക് നേരെ വെടിവച്ചശേഷം അസം റൈഫിള്‍സ് ജവാന്‍ സ്വയം വെടിയുതിര്‍ത്ത് മരിച്ചു. ഇന്‍ഡോ-മ്യാന്‍മര്‍ അതിര്‍ത്തിയിലായിരുന്നു സംഭവം. അവധി കഴിഞ്ഞ് ബുധനാഴ്ച രാവിലെ ചുരാചന്ദ്പൂരിലെ വീട്ടില്‍ നിന്ന് തിരിച്ചെത്തിയ ശേഷമാണ് ജവാന്‍ സഹപ്രവര്‍ത്തകരെ വെടിവച്ച ശേഷം ജീവനൊടുക്കിയത്.
ദക്ഷിണ മണിപ്പൂരിലെ അസം റൈഫിള്‍സ് ബറ്റാലിയനിലാണ് സംഭവം. പരിക്കേറ്റ ആറ് ജവാന്മാരെ സൈനിക ആശുപത്രിയിലേക്ക് മാറ്റിയിട്ടുണ്ട്. നിലവിലെ സംഘർഷങ്ങളുമായി വെടിവയ്പിന് ബന്ധമില്ലെന്നും സംഭവത്തിലുള്‍പ്പെട്ടവര്‍ മണിപ്പൂര്‍ സ്വദേശികളല്ലെന്നും അസം റൈഫിള്‍സ് അറിയിച്ചു.
English Summary: A jawan committed suicide after firing at his colleagues in Manipur
You may also like this video
