വീട്ടുമുറ്റത്ത് നിര്‍ത്തിയിട്ട കാറിനുള്ളില്‍ നിന്ന് രാജവെമ്പാലയെ പിടികൂടി. പാലക്കുഴി ഉണ്ടപ്ലാക്കല്‍ കുഞ്ഞുമോന്റെ വീട്ടുമുറ്റത്താണ് നിര്‍ത്തിയിട്ട കാറിനുള്ളില്‍ പാമ്പ് കയറിയത്. മുപ്പത് കിലോയോളം തൂക്കമുള്ള 10 വയസ്സോളം തോന്നിക്കുന്ന പാമ്പിനെയാണ് പിടികൂടിയത്. കഴിഞ്ഞ രണ്ട് ദിവസങ്ങളായി കാര്‍ ഉപയോഗിച്ചിരുന്നില്ല. കാറിനുള്ളില്‍ നിന്ന് അനക്കം ശ്രദ്ധയില്‍പ്പെട്ട കുഞ്ഞുമോനാണ് രാജവെമ്പാലയെ കണ്ടത്.
ഉടന്‍ തന്നെ വനപാലകരെ വിവരം അറിയിക്കുകയായിരുന്നു. കാറിന്റെ ഡോര്‍ തുറന്നു നല്‍കിയെങ്കിലും രാജവെമ്പാല പുറത്തിറങ്ങിയില്ല. തുടര്‍ന്ന് വനംവകുപ്പിന്റെ നേതൃത്വത്തില്‍ കാറിലെ മുന്‍ഭാഗത്തുവെച്ചാണ് പാമ്പിനെ പിടികൂടിയത്.
വടക്കാഞ്ചേരി സെക്ഷന്‍ വനം ഉദ്യോഗസ്ഥനായ സലീം, ബീറ്റ് ഫോറസ്റ്റ് ഓഫീസര്‍ സുനില്‍ എന്നിവരുടെ നേതൃത്വത്തില്‍ മുഹമ്മദലിയാണ് എന്നിവര്‍ ചേര്‍ന്നാണ് പാമ്പിനെ പിടികൂടിയത്.
English Summary;A king cobra was caught inside a parked car
You may also like this video
