സന്ദർശകവിസയിൽ മകനെയും കുടുംബത്തെയും കാണാൻ എത്തിയ മലയാളി വനിത സൗദി അറേബ്യയിലെ അൽഹസ്സയിൽ ഹൃദയാഘാതം മൂലം മരിച്ചു. ആലപ്പുഴ ചെമ്പകശ്ശേരിൽ പുരയിടം വട്ടയാൽ വാർഡ് സ്വദേശിനി നസീമ മുഹമ്മദ് കുഞ്ഞ് (62 വയസ്സ്) ആണ് മരണമടഞ്ഞത്. അൽഹസയിലുള്ള മകൻ മുനീറിന്റെ കുടുബത്തോടൊപ്പം താമസിയ്ക്കാനായി വിസിറ്റിംങ്ങ് വിസയിൽ രണ്ടുമാസം മുൻപാണ് നാട്ടിൽ നിന്നും എത്തിയത്.
ചൊവ്വാഴ്ച നെഞ്ചു വേദന അനുഭവപ്പെട്ടതിനെത്തുടർന്ന് അൽഹസാ ഹോസ്പിറ്റലിൽ എത്തിച്ചെങ്കിലും മരണപ്പെടുകയായിരുന്നു.
നവയുഗം സാംസ്ക്കാരികവേദി ദമാം സിറ്റിയുടെ മുൻ മേഖല സെക്രട്ടറി ഹാരിസിന്റെ ഭാര്യാമാതാവാണ് പരേത. ഭൗതികശരീരം നാട്ടിലേക്ക് അയക്കുവാനുള്ള നിയമനടപടികൾ നവയുഗം അൽഹസ മേഖലാ സെക്രട്ടറി ഉണ്ണി മാധവത്തിന്റെയും, കേന്ദ്രകമ്മറ്റി രക്ഷാധികാരി ഷാജി മതിലകത്തിന്റെയും നേതൃത്വത്തിൽ പുരോഗമിക്കുന്നു.
ഭർത്താവ്: മുഹമ്മദ് കുഞ്ഞ്. മക്കൾ : മുനീർ മുഹമ്മദ് (സൗദി), മുനീഷ മരുമക്കൾ : സുമയ്യ (സൗദി), പുത്തൂർ ഹാരിസ് അബ്ദുൽ ഷുകൂർ മാന്നാർ( ഖത്തർ) നസീമയുടെ അപ്രതീക്ഷിതനിര്യാണത്തിൽ നവയുഗം കേന്ദ്രകമ്മിറ്റി അനുശോചനം അറിയിച്ചു.
English Summary:A Malayali woman who arrived in Saudi Alhassa on a visitor’s visa died due to a heart attack
You may also like this video
