മഹാരാഷ്ട്രയില്‍ ആടിനെ മോഷ്ടച്ചെന്ന് ആരോപിച്ച് പ്രായപൂർത്തിയാകാത്ത ആൺകുട്ടിയെ ഒരു സംഘം ആളുകൾ മർദിച്ചതിനെ തുടർന്ന് മരിച്ചു.പർഭാനി പ്രദേശത്തെ ഉഖ്ലാദ് ഗ്രാമത്തിലാണ് രണ്ട് സിഖ് ആൺകുട്ടികളെ ജനക്കൂട്ടം മർദ്ദിച്ചത്. പരിക്കേറ്റ കുട്ടി ആശുപത്രിയിൽ ചികിത്സയിലിരിക്കെയാണ് മരണത്തിന് കീഴടങ്ങിത്. ഒരു കുട്ടി ആശുപത്രിയില്‍ ചികിത്സയില്‍ കഴിയുകയാണ്.
അതേസമയം ആൾക്കൂട്ട ആക്രമണത്തിൽ ഒമ്പത് പേർക്കെതിരെ കേസെടുത്തിട്ടുണ്ടെന്ന് പർഭാനിയിലെ പൊലീസ് സൂപ്രണ്ട് രാഗസുധ ആർ പറഞ്ഞു. പ്രതികളിൽ നാലുപേരെ അറസ്റ്റ് ചെയ്തിട്ടുണ്ട്. ഈ വർഷം മാർച്ചില്‍ ബീഹാറിലെ സരൺ ജില്ലയിലും ആള്‍ക്കൂട്ട ആക്രമണത്തില്‍ 56കാരന്‍ മരിച്ചിരുന്നു. ബീഫ് കടത്തിയെന്ന് ആരോപിച്ചാണ് ഇയാളെ നാട്ടുകാര്‍ ആക്രമിച്ചത്. എന്നാൽ ഇയാളിൽ നിന്ന് ബീഫ് പിടിച്ചെടുത്തതായി പൊലീസ് സ്ഥിരീകരിച്ചിട്ടില്ല.
English Summary;A minor boy was beaten to death by the locals for allegedly stealing a goat
You may also like this video
