ഉത്തര്‍പ്രദേശില്‍ പ്രായപൂർത്തിയാകാത്ത കുട്ടിയെ എട്ട് പേർ ചേർന്ന് കൊലപ്പെടുത്തി. ഉത്തര്‍പ്രദേശിലെ അമേഠിയിലാണ് സംഭവം. 16 വയസ്സുള്ള പെൺകുട്ടിയെയാണ് യുപിയിലെ വീട്ടിൽ വെച്ച് അക്രമികള്‍ ചുട്ടുകൊന്നത്. സംഭവസമയത്ത് മകൾ വീട്ടിൽ തനിച്ചായിരുന്നുവെന്ന് കുട്ടിയുടെ പിതാവ് പരാതിയിൽ ആരോപിച്ചു.
കൊലപാതകത്തില്‍ എട്ടുപേര്‍ക്കെതിരെ കേസെടുത്തതായി പൊലീസ് പറഞ്ഞു.
എട്ട് പ്രതികൾക്കെതിരെ ഐപിസി സെക്ഷൻ 302 (കൊലപാതകം) പ്രകാരം എഫ്‌ഐആർ രജിസ്റ്റർ ചെയ്തിട്ടുണ്ടെന്ന് പോലീസ് സൂപ്രണ്ട് (എസ്പി) എളമരൻ ജി പിടിഐയോട് പറഞ്ഞു. പ്രതികളെ പിടികൂടാനുള്ള ശ്രമങ്ങൾ തുടരുകയാണെന്നും കൂടുതൽ അന്വേഷണം നടന്നുവരികയാണെന്നും മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ടെന്നും പൊലീസ് അറിയിച്ചു.
English Summary: A minor girl was set on fire by eight people in UP
You may also like this video
