കര്‍ണാടകയില്‍ അമ്മയെ മകന്‍ ബലാത്സംഗം ചെയ്തു. കര്‍ണ്ണാടക പുത്തുൂര്‍ താലൂക്കിലെ കേടമ്പാടിയിലാണ് ഞെട്ടിച്ച സംഭവം ഉണ്ടായിരിക്കുന്നത്. മകനെ കസ്റ്റഡിയിലെടുത്തതായി പൊലീസ് അറിയിച്ചു.
പ്രതിയുടെ ലൈംഗികാതിക്രമത്തിന് ശേഷം അവശയായ അമ്മയെ പുത്തുൂര്‍ സര്‍ക്കാര്‍ ആശുപത്രിയില്‍ പ്രവേശിപ്പിച്ചപ്പോഴാണ് സംഭവം പുറം ലോകമറിയുന്നത്. ആശുപത്രിയില്‍ വെച്ചാണ് 58കാരിയായ അമ്മ പൊലീസില്‍ പരാതി നല്‍കിയത്.
ജനുവരി 12നാണ് കേസിനാസ്പദമായ സംഭവം നടക്കുന്നത്. അമ്മയും പ്രതിയായ മകനും ഒരേ വീട്ടിലാണ് താമസം. ഉറങ്ങാന്‍ കിടന്ന അമ്മയെ രാത്രി ബലാത്സംഗം ചെയ്തു. തൊട്ടടുത്ത ദിവസം വെളുപ്പിന് ഇയാള്‍ അമ്മയെ പിന്നെയും പീഡിപ്പിച്ചിരുന്നു. പീ‍ഡനം ചെറുക്കാന്‍ ശ്രമിച്ചപ്പോള്‍ അമ്മയുടെ വായില്‍ തുണി തിരുകുകയും സംഭവം പുറത്തു പറഞ്ഞാല്‍ കൊന്നു കളയുമെന്ന് ഭീഷണിപ്പെടുത്തുകയും ചെയ്തിരുന്നു.
ഐ.പി.സി സെക്ഷന്‍ 362 (2), 506 തുടങ്ങിയ വകുപ്പുകള്‍ ചേര്‍ത്ത് പ്രതിക്കെതിരെ കേസ് ഫയല്‍ ചെയ്യുകയും കസ്റ്റഡിയിലെടുക്കുകയും ചെയ്തിട്ടുണ്ട്.
English Summary : A mother in Karnataka was raped by her son
you may also like this video
