രോ​ഗാ​വ​സ്ഥ​യി​ൽ മ​ക്ക​ളു​പേ​ക്ഷി​ച്ച​തി​നെ തു​ട​ർ​ന്ന് 
ചി​കി​ത്സ​യി​ലായിരു​ന്ന അ​മ്മ മരിച്ചു

രോ​ഗാ​വ​സ്ഥ​യി​ൽ മ​ക്ക​ളു​പേ​ക്ഷി​ച്ച​തി​നെ തു​ട​ർ​ന്ന് ചി​കി​ത്സ​യി​ലി​രു​ന്ന അ​മ്മ മ​രി​ച്ചു. അ​ഞ്ചുമ​ക്ക​ളു​ടെ അ​മ്മ​യാ​യ വാ​ത്തു​കു​ള​ങ്ങ​ര രാ​ജ​ല​ക്ഷ്മി ഭ​വ​നി​ൽ സ​ര​സ​മ്മ​യാ​ണ് (74 )മ​രി​ച്ച​ത്. ഹ​രി​പ്പാ​ട് ഗ​വ​ണ്‍മെന്റ് ആ​ശു​പ​ത്രി​യി​ലാ​യി​രു​ന്നു അ​ന്ത്യം. രോ​ഗ​ബാ​ധി​ത​യാ​യ അ​മ്മ​യെ മ​ക്ക​ൾ നോ​ക്കാ​ത്ത​തി​നെ തു​ട​ർ​ന്ന് ചെ​ങ്ങ​ന്നൂ​ർ ആ​ർ​ഡി​ഒ ഇ​ട​പെ​ട്ടാ​ണ് ഹ​രി​പ്പാ​ട് താ​ലൂ​ക്കാ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. മൂ​ന്ന് ആ​ൺ​മ​ക്ക​ളും ര​ണ്ടു പെ​ൺ​മ​ക്ക​ളു​മാ​ണ് ഇ​വ​ർ​ക്കു​ള്ള​ത്. മ​ക്ക​ളെ​ല്ലാം ന​ല്ല നി​ല​യി​ലു​മാ​ണ്. ആ​രോ​ഗ്യ​വ​കു​പ്പി​ൽ ന​ഴ്സിം​ഗ് അ​സി​സ്റ്റ​ന്റായി വി​ര​മി​ച്ച ഇ​വ​ർ ഭ​ർ​ത്താ​വ് മ​രി​ച്ച​തി​നു ശേ​ഷം പ​ല മ​ക്ക​ളു​ടെ​യും അ​ടു​ത്ത് മാ​റി​മാ​റി​യാ​യി​രു​ന്നു താമസം.

അ​മ്മ രോ​ഗ​ശ​യ്യ​യി​ലാ​യ​തി​നെ​ തുട​ർ​ന്ന് മ​ക്ക​ൾ നോ​ക്കാ​തെ​യാ​യി. ഒ​രു മാ​സം മു​മ്പ് ഒ​രു മ​ക​ൾ അ​മ്മ​യെ വ​ണ്ടാ​നം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. അയൽവാസിയായ അംബികയും ഭർത്താവുമാണ് ആശുപത്രിയിൽ സഹായത്തിനായി നിന്നത് അതിനുശേ​ഷം സ്ഥ​ലം വി​ട്ടെ​ന്നു പോ​ലീ​സ് പ​റ​ഞ്ഞു. പി​ന്നീ​ട് ഹ​രി​പ്പാ​ട് താ​ലൂ​ക്ക് ആ​ശു​പ​ത്രി​യി​ലേ​ക്കു മാ​റ്റു​ക​യാ​യി​രു​ന്നു. ഇ​തേ​ത്തു​ട​ർ​ന്നു സം​ഭ​വം ചെ​ങ്ങ​ന്നൂ​ർ ആ​ർ​ഡി​ഒ​യെ അറിയിച്ചു.

മ​ക്ക​ളെ വി​ളി​ച്ചു​വ​രു​ത്താ​ൻ ആ​ർ​ഡി​ഒ ശ്ര​മി​ച്ചെ​ങ്കി​ലും ആ​രും പ്ര​തി​ക​രി​ച്ചി​ല്ല. തു​ട​ർ​ന്ന് അ​റ​സ്റ്റ് വാ​റ​ന്റ് പു​റ​പ്പെ​ടു​വി​ച്ചു. ബു​ധ​നാ​ഴ്ച ര​ണ്ടു​മ​ക്ക​ളെ അ​റ​സ്റ്റു​ചെ​യ്ത് ആ​ർ​ഡി​ഒ കോ​ട​തി​യി​ൽ ഹാ​ജ​രാ​ക്കി. അ​മ്മ​യെ നോ​ക്കാ​ൻ ത​യാ​റാ​ക​ണ​മെ​ന്ന വ്യ​വ​സ്ഥ​യോ​ടെ​യാ​ണ് ആ​ർ​ഡി​ഒ ഇ​വ​രെ ജാ​മ്യ​ത്തി​ൽ വി​ട്ട​ത്. ഇ​തി​നു​പി​ന്നാ​ലെ​യാ​ണു സ​ര​സ​മ്മ മ​രി​ച്ച​ത്. മ​ര​ണ​ശേ​ഷം മ​ക്ക​ൾ ആ​ശു​പ​ത്രി​യി​ലെ​ത്തി​യെ​ങ്കി​ലും മൃ​ത​ദേ​ഹം വി​ട്ടു​കൊ​ടു​ക്കു​ന്ന​തി​ൽ തീ​രു​മാ​നം വൈകി. പിന്നീട് മൃതദേഹം മക്കൾക്ക് വിട്ടുനൽകി. സംസ്കാരം നടത്തി. അ​ത്യാ​സ​ന്ന​നി​ല​യി​ൽ ചി​കി​ത്സ​യി​ൽ ക​ഴി​യു​മ്പോ​ഴും മ​ക്ക​ളെ കാ​ണാ​ൻ സ​ര​സ​മ്മ ആ​ഗ്ര​ഹം പ്ര​ക​ടി​പ്പി​ച്ചി​രു​ന്നു. വി​വ​രം അ​റി​യി​ച്ചി​ട്ടും ആ​രും വ​ന്നി​ല്ലെ​ന്നാ​ണ് പോ​ലീ​സ് പറയുന്നത്.