ഓടിക്കൊണ്ടിരുന്ന ട്രെയിനില്‍ യാത്രക്കാരന്‍ സ്വയം വെടിയുതിര്‍ത്ത് മരിച്ചു. ഡല്‍ഹിയിലേക്കുള്ള നോര്‍ത്ത് ഈസ്റ്റ് എക്സ്പ്രസിലാണ് സംഭവം. പശ്ചിമംബഗാളിലെ ജാല്‍പൈഗുരി സ്റ്റേഷനുസമീപത്തുവച്ച് തിങ്കളാഴ്ച രാത്രി എട്ട് മണിയോടെ തീവണ്ടിയുടെ ജനറല്‍ കമ്പാര്‍ട്ട്മെന്റില്‍വച്ച് ഇയാള്‍ സ്വയം വെടിയുതിര്‍ക്കുകയായിരുന്നുവെന്ന് എന്‍എഫ്ആര്‍ (നോര്‍ത്ത് ഈസ്റ്റ് ഫ്രോണ്ടിയർ റയില്‍ ) പറഞ്ഞു. ന്യൂ ജൽപായ്ഗുരി സ്റ്റേഷനിൽനിന്ന് പുറപ്പെട്ട ട്രെയിനിലാണ് സംഭവമെന്ന് പൊലീസ് കൂട്ടിച്ചേര്‍ത്തു.
യാത്രക്കാരന്റെ പക്കല്‍ ടിക്കറ്റോ മറ്റ് യാത്രാ രേഖകളോ ഉണ്ടായിരുന്നില്ലെന്നും അധികൃതര്‍ അറിയിച്ചു. ഇയാളെക്കുറിച്ചുള്ള കൂടുതല്‍ വിവരങ്ങള്‍ വ്യക്തമല്ലെന്നും ഇയാളുടെ കൈവശം ആയുധം ലഭിച്ചതെങ്ങനെയെന്നുമുള്ള വിവരങ്ങള്‍ ലഭ്യമായിട്ടില്ല. സംഭവത്തില്‍ ഫോറൻസിക് അന്വേഷണം ആരംഭിച്ചിട്ടുണ്ടെന്നും അന്വേഷണ ഉദ്യോഗസ്ഥര്‍ കൂട്ടിച്ചേര്‍ത്തു.
English Summary: A passenger in a moving train shot himself dead inside the train
You may also like this video
