ക്ലാസിൽ കയറി വിദ്യാർഥിയെ തല്ലിയത് തടയാനെത്തിയ അധ്യാപികയുടെ മുഖത്തടിച്ച് വിദ്യാർഥി. തലസേരി ബിഇഎംപി ഹയർസെക്കണ്ടറി സ്കൂളിലാണ് സംഭവം. പരിക്കേറ്റ അധ്യാപിക കൊയിലാണ്ടി സ്വദേശി വൈ സിനി (45) തലശേരി ജനറൽ ആശുപത്രിയിൽ ചികിത്സ തേടി. പ്ലസ് വൺ ഹുമാനിറ്റീസ് ക്ലാസിൽ അധ്യാപിക ക്ലാസെടുത്തുകൊണ്ടിരിക്കെ പ്ലസ് ടു ക്ലാസിലെ വിദ്യാർഥികൾ ക്ലാസിലേക്ക് കടന്ന് വിദ്യാർഥിയെ തല്ലുകയായിരുന്നു.
എന്നാല്‍ ഇത് തടയാൻ ശ്രമിച്ച അധ്യാപികയെ വിദ്യാര്‍ത്ഥി മുഖത്ത് അടിക്കുകയായിരുന്നു. അടിയേറ്റ പ്ലസ് വൺ വിദ്യാർഥിയെയും ആശുപത്രിയിൽ പ്രവേശിപ്പിച്ചു. നാല് വിദ്യാർഥികളെ പൊലീസ് കസ്റ്റഡിയിൽ എടുത്തു. ഷർട്ടിന്‍റെ ബട്ടൻസ് ഇടിന്നതുമായി ബന്ധപ്പെട്ട പ്രശ്നത്തിലാണ് പ്ലസ് ടു വിദ്യാർഥി പ്ലസ് വൺ വിദ്യാർഥിയെ അടിച്ചതെന്നാണ് വിവരം.
English Summary: A plus one student entered the class and was beaten up by a plus two student; He slapped the face of the teacher who tried to stop him
You may also like this video
