ട്രക്കിടിച്ച് റോഡില്‍ക്കിടന്ന ഗര്‍ഭിണി കുഞ്ഞിന് ജന്മം നല്‍കിയതിനുപിന്നാലെ ജീവന്‍ വെടിഞ്ഞു. ഉത്തര്‍പ്രദേശിലെ ഫിറോസാബാദിലാണ് സംഭവം. ഭര്‍ത്താവിനൊപ്പം ബൈക്കില്‍ യാത്ര ചെയ്യവെയാണ് അപകടമുണ്ടായത്. പെണ്‍കുഞ്ഞിന് ജന്മം നല്‍കിയ ശേഷമാണ് 26 കാരിയായ യുവതി മരിച്ചതെന്ന് പൊലീസ് കൂട്ടിച്ചേര്‍ത്തു. ബൈക്ക് യാത്രയ്ക്കിടെ അതിവേഗത്തിലെത്തിയ ട്രക്ക് ഇടിച്ചത്. ട്രക്ക് ഇടിച്ച ആഘാതത്തില്‍ എതിരെ വന്ന കാറിലിടിക്കാതിരിക്കാന്‍ വെട്ടിച്ചപ്പോഴേയ്ക്കും ഇവര്‍ ഇരുവരും റോഡില്‍ വീഴുകയായിരുന്നുവെന്ന് പൊലീസ് പറഞ്ഞു. സംഭവത്തിനുശേഷം ട്രക്ക് ഡ്രൈവര്‍ സ്ഥലം വിട്ടു. കുട്ടിയ്ക്ക് പരിക്കേറ്റിട്ടില്ലെന്നും ആരോഗ്യം തൃപ്തികരമായിരിക്കുന്നുവെന്നും അധികൃതര്‍ അറിയിച്ചു. ട്രക്ക് ഡ്രൈവര്‍ക്കെതിരെ കേസെടുത്ത് അന്വേഷണം ആരംഭിച്ചതായി പൊലീസ് പറഞ്ഞു.
English Summary: A pregnant woman who was lying on the road in a truck gave birth to a baby; followed by death
You may like this video also
