ഉത്തർപ്രദേശിലെ ബല്ലിയയില്‍ പ്രൈമറി സ്കൂളിൽ പഠിക്കുന്ന നാല് പെൺകുട്ടികൾക്ക് ക്ലാസ് മുറിയുടെ ചുമരിടിഞ്ഞ് വിണ് പരിക്ക്. പരിക്കേറ്റ കുട്ടികളെ സർക്കാർ ആശുപത്രിയിൽ പ്രവേശിപ്പിച്ചതായി പൊലീസ് അറിയിച്ചു. ശനിയാഴ്ച ഉച്ചയ്ക്ക് വീർപൂർ പ്രൈമറി സ്കൂളിലാണ് സംഭവം നടന്നത്.
പരിക്കേറ്റ റിച്ച (9), അഞ്ചാം ക്ലാസ് വിദ്യാർത്ഥിനി, മൂന്നാം ക്ലാസിൽ പഠിക്കുന്ന അനു(7) എന്നിവരുടെ നില ഗുരുതരമാണെന്നും ഇവരെ ജില്ലാ ആശുപത്രിയിൽ പ്രവേശിപ്പിച്ചതായും പൊലീസ് കൂട്ടിച്ചേർത്തു. സ്കൂൾ കെട്ടിടത്തില്‍ അറ്റകുറ്റപ്പണി നടത്തിയതായി പ്രാഥമിക വിദ്യാഭ്യാസ വകുപ്പ് അധികൃതർ പറഞ്ഞു. സംഭവത്തെക്കുറിച്ച് അന്വേഷിച്ചുവരികയാണെന്നും പൊലീസ് അധികൃതര്‍ വ്യക്തമാക്കി.
english summary: A primary school student was injured when the wall of a classroom collapsed
you may also like this video
