നിലമ്പൂർ രാമൻകുത്തിൽ റബ്ബർ പുകപ്പുരയ്ക്ക് തീപിടിച്ചു

രാമൻകുത്ത് പറേങ്ങൽ മൂസാൻ എന്നിവരുടെ ഉടമസ്ഥതയിലുള്ള റബ്ബർ പുകപ്പുരയ്ക്കാണ് തീ പിടിച്ചത്. മുന്നൂറോളം റബ്ബർ ഷീറ്റും,രണ്ട് ചാക്കുകളിലായി ഉണ്ടായിരുന്ന റബ്ബർ ഒട്ടുപാലും കത്തി നശിച്ചു. വ്യാഴാഴ്ച ഉച്ചയ്ക്ക് 2.30 ഓടെയാണ് സംഭവം. തീ ഉയരുന്നത് കണ്ട് ബന്ധപ്പെട്ടവർ ഫയർഫോഴ്‌സിനെ വിവരം അറിയിക്കുകയായിരുന്നു ഉടൻതന്നെ ഫയർഫോഴ്സ് സംഭവ സ്ഥലത്ത് എത്തി തീയണച്ചു. സ്റ്റേഷൻ ഓഫീസർ ബാബുരാജൻ കെപിയുടെ നേതൃത്വത്തിൽ ഫയർഫോഴ്സ് ഉദ്യോഗസ്ഥരായ ഫിറോസ്, ഫസലുള്ള, ഷാദ് അഹമ്മദ്, വി പി റഫീഖ്, സി രമേശ്, ഹോം ഗാർഡുമാരായ അബ്ദുൽസലാം, അലവിക്കുട്ടി, അനിൽകുമാർ എന്നിവർ നേതൃത്വം നല്‍കി.