ഗുജറാത്തിലെ ജുനഗഡ് ജില്ലയിലെ ഏഴുവയസ്സുകാരിയെ പുള്ളിപ്പുലി കടിച്ചുകീറി കൊന്നു. സോനാർഡി ഗ്രാമത്തിൽ മുത്തശ്ശിമാർക്കൊപ്പം വസ്ത്രങ്ങൾ അലക്കാനായി പുഴയിലേക്ക് പോകുമ്പോഴാണ് മന്നത്ത് റാത്തോഡ് എന്ന കുട്ടിയെ പുലി കൊന്നതെന്ന് വനംവകുപ്പ് ഉദ്യോഗസ്ഥർ പറഞ്ഞു. രാവിലെ 11 മണിയോടെയാണ് സംഭവം. ഗ്രാമവാസികൾ കുട്ടിയെ അടുത്തുള്ള ആശുപത്രിയിൽ എത്തിച്ചു. എന്നാല്‍ അവിടെ എത്തിയപ്പോഴേക്കും മരിച്ചതായി ഡോക്ടർമാർ അറിയിച്ചു. പുലിയെ പിടിക്കാൻ പ്രദേശത്ത് കൂടുകൾ സ്ഥാപിച്ചിട്ടുണ്ടെന്ന് വനം വകുപ്പ് ഉദ്യോഗസ്ഥര്‍ പറഞ്ഞു.
English Summary: A seven-year-old girl was bitten by a tiger
You may also like this video
