പത്തനംതിട്ടയിൽ വന്‍ തീപിടിത്തം. സിവിൽ സ്റ്റേഷൻ അടുത്തുള്ള കടയ്ക്കാണ് തീ പിടിച്ചത്. അടുത്തുള്ള നിരവധി കടകളിലേക്ക് തീ പടരുകയാണ്. സമീപത്തെ എ വൺ ബേക്കറി, ചെരുപ്പ് കട, മൊബൈൽ ഷോപ്പ് എന്നിവയിലേക്കും തീ പിടിച്ചു. അഗ്നിശമനസേനയുടെ നേതൃത്വത്തിൽ തീ അണക്കാനുള്ള ശ്രമം നടത്തുന്നതിനിടെ ചിപ്സ് കടകളിൽ സൂക്ഷിച്ചിരുന്ന ഗ്യാസ് സിലിണ്ടറുകൾ പൊട്ടിത്തെറിച്ചത്.
സ്ഫോടനത്തിൽ നിന്നും ഫയർഫോഴ്സ് ഉദ്യോഗസ്ഥരുള്‍പ്പെടെ തലനാരിഴക്കാണ് രക്ഷപ്പെട്ടത്.സ്ഥലത്ത് എത്തിയ കൂടുതൽ ഫയർഫോഴ്സ് യൂണിറ്റുകളാണ് തീയണച്ചത്. ജീവനക്കാർ കടക്കുള്ളിൽ കുടുങ്ങിയെന്ന സംശയം ആദ്യം ഉയർന്നിരുന്നുവെങ്കിലും ആളപായമില്ലെന്ന് സ്ഥിരീകരിച്ചു. സംഭവത്തില്‍ അഞ്ചോളം പേർക്ക് പൊള്ളലേറ്റിട്ടുണ്ട്. തൊട്ടടുത്തുള്ള കടകളിലെ ഗ്യാസ് സിലിണ്ടറുകള്‍ മാറ്റി. നഗരത്തിലേക്കുള്ള ഗതാഗതവും നിയന്ത്രിച്ചു.
English Summary:A shop caught fire in Pathanamthitta; Gas cylinders burst
You may also like this video
