കോഴിക്കോട് എന്ഐടിയില് വീണ്ടും വിദ്യാര്ത്ഥി ആത്മഹത്യ ചെയ്തു. മുംബൈ സ്വദേശി യോഗേശ്വര് നാഥ് ആണ് ഹോസ്റ്റലില് നിന്നും ചാടി ജീവനൊടുക്കിയത്. ഇന്നു രാവിലെ ആറുമണിക്കാണ് സംഭവം. എന്ഐടിയിലെ സി ബ്ലോക്ക് ഹോസ്റ്റലില് നിന്നും വിദ്യാര്ത്ഥി താഴേക്ക് ചാടിയത്.
പരിക്കേറ്റ യോഗേശ്വര്നാഥിനെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. മൂന്നാം വർഷ മെക്കാനിക്കല് എഞ്ചിനീയറിങ് വിദ്യാര്ത്ഥിയാണ്. പോസ്റ്റ് മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടു നല്കും. അതേസമയം മരണകാരണം അന്വേഷിച്ചു വരികയാണെന്ന് പൊലീസ് സൂചിപ്പിച്ചു. നേരത്തെയും കോഴിക്കോട് എന്ഐടിയില് വിദ്യാര്ത്ഥി ആത്മഹത്യ ചെയ്തിട്ടുണ്ടായിരുന്നു.
English Summary:A student committed suicide by jumping from the hostel at Kozhikode NIT
You may also like this video
