കെഎസ്ആർടിസി ബസിൽ യാത്രക്കാരിയോട് ലൈംഗികാതിക്രമം കാട്ടിയെന്ന കേസില്‍ അറസ്റ്റിലായ ടെലിവിഷന്‍ താരവും മിമിക്രി ആര്‍ട്ടിസ്റ്റുമായ ബിനു കമാലിനെ റിമാന്‍ഡില്‍ വിട്ടു. കഴിഞ്ഞദിവസം വൈകിട്ടാണ് ബിനു കമാലിനെ വട്ടപ്പാറ പൊലീസ് അറസ്റ്റ് ചെയ്തത്. തമ്പാനൂരിൽ നിന്ന് നിലമേൽ ഭാഗത്തേക്ക് പോകുകയായിരുന്ന കെ എസ് ആർ ടി സി ബസിൽ ആയിരുന്നു സംഭവം. വട്ടപ്പാറ വെച്ചായിരുന്നു സംഭവം.
യുവതിയിരുന്ന സീറ്റിലേക്ക് വന്നിരുന്ന് ദേഹത്ത് സ്പർശിക്കുകയും ശല്യം ചെയ്യുകയുമായിരുന്നു. തുടർന്ന് യുവതി പ്രശ്‌നം ഉണ്ടാക്കിയപ്പോൾ ഇയാൾ ബസിൽ നിന്ന് ഇറങ്ങി രക്ഷപെടുകയായിരുന്നു. തുടർന്നാണ് യുവതി പൊലീസിൽ പരാതി നൽകിയത്. അറസ്റ്റ് ചെയ്ത പ്രതിയെ വൈദ്യ പരിശോധന നടത്തും. 21 കാരിയായ കൊല്ലം സ്വദേശിനിയുടെ പരാതിയിന്മേല്‍ അറസ്റ്റിലായ ബിനുവിനെ പിന്നീട് നെടുമങ്ങാട് കോടതിയില്‍ ഹാജരാക്കി.
English Summary: A television actor who was arrested for sexually assaulting a woman on a bus has been remanded
You may also like this video
