കഞ്ചാവിനും,മദ്യത്തിനും അടിമപ്പെട്ട് പതിവായി പ്രശ്നങ്ങളുണ്ടാക്കിയിരുന്ന ആളെ ബന്ധുക്കള്‍ കൊലപ്പെടുത്തി. മഹാരാഷ്ട്രയിലെ ജാല്‍ന അംബാദ് സ്വദേശിയായ മുപ്പത്തി അഞ്ചുകാരനെയാണ് അച്ഛനും,സോഹദരനും ചേര്‍ന്ന് കൊലപ്പെടുത്തിയത്. ശേഷം പ്രതികളെല്ലാം ചേര്‍ന്ന് മൃതദേഹം രഹസ്യമായി കത്തിച്ചുകളയുകയായിരുന്നു.
തിങ്കളാഴ്ചയായിരുന്നു സംഭവം. ക‍ഞ്ചാവും, മദ്യവും ഉപയോഗിച്ച് കഴിഞ്ഞതിനുശേഷം ഇയാള്‍ വീട്ടില്‍ പ്രശ്നങ്ങളുണ്ടാക്കുന്നതു പതിവായിരുന്നു. ജാല്‍ന അംബാദും , ബന്ധുക്കളും തമ്മില്‍ കൃഷിയിടത്തില്‍ വെച്ച് വഴക്കുണ്ടായി. തുടര്‍ന്ന് ഇയാളും അച്ഛനും, സോഹദരനും, മകനും ചേര്‍ന്ന് അക്രമിച്ചു. അവശനായ ഇയാളെ കൃഷിയിടത്തില്‍ ഉപേക്ഷിച്ച് മടങ്ങിയ പ്രതികള്‍ അടുത്ത ദിവസമാണ് ഇയാളെ മരിച്ച നിലയില്‍ കണ്ടത്.
ഇതോടെ പൊലീസ് കേസ്ഭയന്ന് മൂവരും ചേര്‍ന്ന് മൃതദേഹം രഹസ്യമായി കത്തിക്കുകയായിരുന്നു. സംഭവത്തില്‍ പ്രതികളായ മൂന്നുപേരെയും പോലീസ് അറസ്റ്റ് ചെയ്തിട്ടുണ്ട്. കൊല്ലപ്പെട്ടയാളുടെ പിതാവും സഹോദരനും മകനുമാണ് അറസ്റ്റിലായിട്ടുള്ളതെന്നും ഇവര്‍ക്കെതിരേ കൊലക്കുറ്റം ചുമത്തി കേസെടുത്തതായും പോലീസ് അറിയിച്ചു.
English Summary:
A thirty-five-year-old man addicted to cannabis and alcohol was killed by his father and brother; The body was burnt
You may also like this video:
