ഉത്തര്‍പ്രദേശില്‍ ട്രക്കും വാനും കൂട്ടിയിടിച്ച് അഞ്ച് പേര്‍ മരിച്ചു. മൂന്ന് പേര്‍ക്ക് ഗുരുതരമായി പരിക്കേറ്റു. ദേവ മേഖലയിലാണ് സംഭവം. ബൈജ്നാഥ് (45), ചന്ദ്രപ്രഭ (40), സത്യേന്ദ്ര (42), ആരാധ്യ (രണ്ട്), കമലേഷ് (46) എന്നിവരാണ് കൊല്ലപ്പെട്ടത്. വിവാഹചടങ്ങിൽ പങ്കെടുത്തതിന് ശേഷം ബരാബങ്കിയിൽ നിന്ന് ഹർദോയിലേക്ക് മടങ്ങുകയായിരുന്നു വാനിലുണ്ടായിരുന്നവര്‍.
സെഹ്റ പാലത്തിന് സമീപമുള്ള കിസാൻ പാതയിൽ വച്ചാണ് അപകടം. വാൻ തെറ്റായ ദിശയിൽ വന്നതാണ് അപകടമുണ്ടാകാൻ കാരണം.
പരിക്കേറ്റവരെ ആശുപത്രിയിലേക്ക് മാറ്റി. ഇവരുടെ ആരോഗ്യനില ഗുരുതരമായി തുടരുകയാണ്. സംഭവത്തിൽ യുപി മുഖ്യമന്ത്രി യോഗി ആദിത്യനാഥ് ദുഖം രേഖപ്പെടുത്തി.
English Summary; A truck and a van collided in Uttar Pradesh; Five deaths
You may also like this video
