ചൂടുരസത്തില്‍ വീണ് ഗുരുതരമായി പൊള്ളലേറ്റ് ഇരുപത്തിഒന്നുകാരന്‍ മരിച്ചു. തമിഴ് നാട്ടിലെ തിരവളളൂര്‍ ജില്ലയിലാണ് സംഭവം. ഒരു കാറ്ററിംങ് സ്ഥാപനത്തില്‍ പാര്‍ട്ട് ടൈം ജോലി ചെയ്യുന്ന കോളജ് വിദ്യാര്‍ത്ഥിയായി പ്രവര്‍ത്തിച്ചുവരികയായിരുന്നു യുവാവ്.
കഴിഞ്‍ ആഴ്ച ഒരു വിവാഹച്ചടങ്ങില്‍ അതിഥികള്‍ക്ക് ഭക്ഷണം വിളമ്പുന്നതിനിടെയാണ് അപകടമുണ്ടായതെന്ന് പൊലീസ് പറയുന്നു.അതിഥികള്‍ക്ക് വിളമ്പാന്‍ തയ്യാറാക്കിയ തിളച്ച രസത്തിന്റെ പാത്രത്തിലേക്ക് യുവാവ് അബദ്ധത്തില്‍ വീഴുകയായിരുന്നു.
ഗുരുതരമായി പൊള്ളലേറ്റ യുവാവിനെ ഉടന്‍ നഗരത്തിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. എന്നാല്‍ ശരീരം മരുന്നുകളോട് പ്രതികരിക്കാത്തതിന് പിന്നാലെ കഴിഞ്ഞ ദിവസം മരിക്കുകയായിരുന്നു. സംഭവത്തില്‍ കേസ് രജിസ്റ്റര്‍ ചെയ്തിട്ടുണ്ടെന്നും അന്വേഷണം നടത്തിയതായും പോലീസ് വ്യക്തമാക്കി.
English Summary: A twenty-one-year-old man died after falling in the heat and suffering severe burns
You may also like this video:
