കാസർകോട് ഉപ്പള പച്ചിലംപാറയിൽ രണ്ട് മാസം പ്രായമുള്ള കുഞ്ഞിനെ കൊല്ലപ്പെട്ട നിലയിൽ കണ്ടെത്തി. സുമംഗലി – സത്യനാരായണ ദമ്പതികളുടെ രണ്ട് മാസം പ്രായമുള്ള കുഞ്ഞാണ് കൊല്ലപ്പെട്ടത്. ഉച്ചയ്ക്ക് 2.30 മണിയോടെയാണ് ദാരുണ സംഭവമുണ്ടായത്. വയലിലെ ചെളിയിൽ നിന്നാണ് കുട്ടിയുടെ മൃതദേഹം കണ്ടെത്തിയത്.
കുട്ടിയുടെ മാതാപിതാക്കളായ സുമംഗലയും സത്യനാരായണനും തമ്മില് കുടുംബപ്രശ്നമുള്ളതായി പ്രദേശവാസികള് പറയുന്നു. അമ്മയെയും കുഞ്ഞിനേയും കാണാത്തതിനെ തുടര്ന്ന് വീട്ടുകാര് അന്വേഷിക്കുന്നതിനിടെ യുവതിയെ കണ്ടെത്തിയത്. തിരച്ചിലിൽ കുഞ്ഞിനെ ചെളിയിൽ കൊല്ലപ്പെട്ട നിലയിലും കണ്ടെത്തി. മൃതദേഹം മംഗല്പാടി താലൂക് ആശുപത്രിയില് സൂക്ഷിച്ചിരിക്കുകയാണ്. സംഭവത്തിൽ കുട്ടിയുടെ അമ്മയെ ചോദ്യം ചെയ്യുകയാണ്.
English Summary:A two-month-old baby was found murdered in Kasaragod