കൊച്ചിയില്‍ അഴുകിയ നിലയില്‍ മൃതദേഹം കണ്ടെത്തി. കൊച്ചിയിലെ പെരുമ്പാവൂരിലാണ് അജ്ഞാത ജഡം കണ്ടെത്തിയത്. പുരുഷന്റേതാണ് മൃതദേഹം. രണ്ടാഴ്ചയിലധികം പഴക്കമുള്ള മൃതദേഹത്തില്‍ ഒരു കൈ വേര്‍പ്പെട്ട നിലയിലായിരുന്നു. ഒക്കലില്‍ വര്‍ഷങ്ങളായി അടഞ്ഞുകിടക്കുന്ന രോഹിണി റൈസ് മില്ലിന് പിന്‍ഭാഗത്തെ ആളൊഴിഞ്ഞ പ്രദേശത്താണ് മൃതദേഹം കണ്ടെത്തിയത്. സ്ഥലത്ത് നിന്നും രൂക്ഷമായ ഗന്ധം പുറത്തു വരുന്നുവെന്ന പ്രദേശവാസികളുടെ പരാതിയെ തുടര്‍ന്ന് പൊലീസ് നടത്തിയ അന്വേഷണത്തിനൊടുവിലാണ് മൃതദേഹം കണ്ടെത്തിയത്. ഷര്‍ട്ടും പാന്റ്‌സുമാണ് വേഷം. മൃതദേഹം പെരുമ്പാവൂര്‍ താലൂക്ക് ആശുപത്രിയിലേക്ക് മാറ്റി. പൊലീസ് അന്വേഷണം ആരംഭിച്ചു.
English Summary: A two-week-old decomposed body was found in Kochi
You may also like this video
