മട്ടന്നൂരിൽ സിനിമാ തിയേറ്ററിൽ വാട്ടർ ടാങ്ക് തകർന്ന് വീണ് അപകടം. മട്ടന്നൂർ സഹിന തീയേറ്ററിലാണ് സംഭവം. അപകടത്തിൽ രണ്ട് പേർക്ക് പരിക്കേറ്റു. സിനിമാ പ്രദർശനം നടക്കുന്നതിനിടെയാണ് അപകടമുണ്ടായത്. അപ്രതീക്ഷിതമായി തിയേറ്ററിൻ്റെ മേൽക്കൂരയിലേക്ക് ടാങ്ക് തകർന്ന് വീണത്. തുടർന്ന് മേൽക്കൂരയുടെ ഒരു ഭാഗം തകർന്നു താഴേയ്ക്ക് വീഴുകയായിരുന്നു. വാട്ടർ ടാങ്കിനൊപ്പം കോൺക്രീറ്റ് സ്ലാബും താഴേക്ക് അടർന്നു വീണു. ഈ ഭാഗത്ത് ഇരുന്ന രണ്ട് പേർക്കാണ് പരിക്കേറ്റത്. ഇരുവരും സിനിമ കാണാൻ എത്തിയവരായിരുന്നു.
മട്ടന്നൂരിലെ സിനിമാ തിയേറ്ററിൽ വാട്ടർ ടാങ്ക് തകർന്ന് വീണു; രണ്ട് പേര്‍ക്ക് പരിക്ക്
