വാഹനാപകടത്തിൽ ബൈക്ക് യാത്രികനായ എൻജിനീയറിങ് വിദ്യാർത്ഥിക്ക് ദാരുണാന്ത്യം. കരുനാഗപ്പള്ളി മാരാരിത്തോട്ടത്ത് ബൈക്കും–പിക്ക്അപ് വാനും കൂട്ടിയിടിച്ചാണ് അപകടമുണ്ടായത്. തേവലക്കല കാട്ടയ്യത്ത് ഷിഹാബുദീന്റെ മകൻ അൽത്താഫ് (18) ആണ് മരിച്ചത്. ഒപ്പം ഉണ്ടായിരുന്ന നിഹാസിനെ സ്വകാര്യ ആശുപത്രിയില്‍ പ്രവേശിപ്പിച്ചു.
ഐഎച്ച്ആർഡി എൻജിനീയറിങ് കോളജിലെ ഒന്നാം വർഷ വിദ്യാർത്ഥിയാണ് അൽത്താഫ്. ചാമ്പക്കടവിൽ നിന്ന് വന്ന പിക്ക് വാനും മാരാരിത്തോട്ടത്തേക്ക് വന്ന ബൈക്കും തമ്മിലാണ് കൂട്ടിയിടിച്ചത്.