പടക്കം വീണ് ബൈക്ക് പൊട്ടിത്തെറിച്ച് പോള്ളലേറ്റ യുവാവ് മരിച്ചു. ചാലക്കുടി പരിയാരം മൂലെക്കുടിയില്‍ ദിവാകരന്റെ മകന്‍ ശ്രീകാന്താണ് മരിച്ചത്. ഇയാള്‍ക്ക് 24വയസായിരുന്നു. പള്ളിപ്പെരുന്നാളിന്റെ ആഘോഷത്തിനിടെയാണ് അപകടം ജനുവരി 27‑ന് വൈകീട്ടാണ് അമ്പുകമ്മിറ്റി പൊട്ടിച്ച പടക്കം വീണുള്ള പൊട്ടിത്തെറി.
70 ശതമാനത്തിലേറെ പൊള്ളലേറ്റ് കോട്ടയം മെഡിക്കല്‍ കോളേജില്‍ ചികിത്സയിലായിരുന്നു ശ്രീകാന്ത്.പരിയാരം സെയ്ന്റ് ജോര്‍ജസ് പള്ളിയിലെ അമ്പ് ആഘോഷത്തിന്റെ ഭാഗമായി അങ്ങാടി കപ്പേളക്ക് മുന്‍വശത്തുവെച്ച് പടക്കം പൊട്ടിച്ചു. സുഹൃത്തിനെ കാത്ത് ബൈക്കിൽ ഇരിക്കുകയായിരുന്നു യുവാവ്.
പടക്കം തെറിച്ചുവീണ് ബൈക്കിന്റെ പെട്രോള്‍ ടാങ്ക് തത്സമയം പൊട്ടിത്തെറിച്ചു.അടിയന്തര ശസ്ത്രക്രിയക്ക് വിധേയമാകാനിക്കെ ശനിയാഴ്ച രാവിലെ ആയിരുന്നു മരണം. പെരുന്നാളാഘോഷത്തിന് ഇറച്ചിവാങ്ങാന്‍ സുഹൃത്തിനൊപ്പം എത്തിയതായിരുന്നു. സുഹൃത്ത് കടയില്‍ കയറിയ സമയത്ത് ശ്രീകാന്ത് ബൈക്കിൽ തന്നെ കാത്തിരുന്നു.വെല്‍ഡിങ് തൊഴിലാളിയാണ്. സുഹൃത്തുക്കൾ ചേർന്ന് ശസ്ത്രക്രിയയ്ക്കായി പണം സ്വരൂപിക്കുന്നതിനിടെയാണ് മരണം. അമ്മ: ഇന്ദിര. സഹോദരന്‍: ശ്രീക്കുട്ടന്‍.
English Summary:
A young man died when his bike exploded due to falling firecrackers
You may also like this video:
