തിരുവനന്തപുരത്ത് ലോറിയിൽ നിന്ന് കല്ല് തെറിച്ചു വീണ് പരിക്കേറ്റ വിദ്യാർത്ഥി മരിച്ചു. ബി ഡി എസ് വിദ്യാർത്ഥി അനന്തുവാണ് മരിച്ചത്. അനന്തുവിന്റെ തലയ്ക്കും കൈയ്ക്കും ഗുരുതരമായി പരിക്കേറ്റിരുന്നു. മുക്കോല ജംഗ്ഷനിൽ ഇന്ന് രാവിലെയായിരുന്നു സംഭവം. വിഴിഞ്ഞം തുറമുഖത്തേക്ക് കല്ല് കയറ്റിപ്പോയ ലോറിയിൽ നിന്ന് സ്കൂട്ടറിൽ പോകുകയായിരുന്ന അനന്തുവിന്റെ ദേഹത്തേയ്ക്ക് കല്ല് വീഴുകയായിരുന്നു.
കല്ല് വീണതിനെ തുടർന്ന് സ്കൂട്ടറിന്റെ നിയന്ത്രണം തെറ്റി മറിഞ്ഞു വീണ് അനന്തുവിന് ഗുരുതരമായി പരിക്കേറ്റു. തുടർന്ന് നാട്ടുകാർ അനന്തുവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തെതുടർന്ന് വിഴിഞ്ഞം തുറമുഖ കവാടം നാട്ടുകാർ ഉപരോധിച്ച് പ്രതിഷേധിച്ചു. അമിതമായ ലോഡ് ആണ് അപകടത്തിന് കാരണമെന്ന് നാട്ടുകാർ ആരോപിച്ചു.
English Summary: A young man met a tragic end after falling from a stone lorry that was being taken to Vizhinjam
You may also like this video
