ഗുജറാത്തിലെ വഡോദരയില്‍ അഞ്ചുപേര്‍ ചേര്‍ന്ന് 21 കാരിയായ യുവതിയെ കൂട്ടബലാത്സംഗത്തിനിരയാക്കി. നവരാത്രിയോട് അനുബന്ധിച്ച് ഗര്‍ബ പരിപാടി നടക്കുന്നതിനിടെ ലക്ഷ്മിപുര പ്രദേശത്തുവച്ചാണ് യുവതിയെ യുവാക്കള്‍ ക്രൂരമായ കൂട്ടബലാത്സംഗത്തിനിരയാക്കിയത്. സുഹൃത്തിനൊപ്പം സ്കൂട്ടറില്‍ പോകുകയായിരുന്നു യുവതി. ഇരുചക്ര വാഹനങ്ങളിലെത്തിയ യുവാക്കള്‍ യുവതിയെ തടഞ്ഞുനിര്‍ത്തി ആക്രമിക്കുകയായിരുന്നു. ഒപ്പമുണ്ടായിരുന്ന യുവാവിനെ കെട്ടിയിട്ട് മര്‍ദ്ദിച്ചതായും യുവതി പൊലീസിന് നല്‍കിയ പരാതിയില്‍ പറയുന്നു. സംഭവത്തിനുശേഷം ഒളിവില്‍ പോയ പ്രതികള്‍ക്കായി അന്വേഷണം തുടങ്ങിയതായി പൊലീസ് പറഞ്ഞു.
ഗുജറാത്തില്‍ അഞ്ചുപേര്‍ ചേര്‍ന്ന് യുവതിയെ കൂട്ടബലാത്സംഗത്തിനിരയാക്കി
