കണ്ണൂര്‍ കണ്ണാടിപ്പറമ്പ് ആറാം പീടികയില്‍ സ്‌കൂട്ടര്‍ വൈദ്യുത പോസ്റ്റിലിടിച്ച് യുവാവും ബന്ധുവായ അഞ്ചു വയസ്സുകാരിയും മരിച്ചു. ബുധനാഴ്ച രാത്രി പത്ത് മണിക്കാണ് സംഭവം. കാട്ടാമ്പള്ളി സ്വദേശികളായ അജീര്‍, ബന്ധു റിയാസിന്റെ മകള്‍ റാഫിയ എന്നിവരാണ് മരിച്ചത്. അപകടത്തില്‍ പരിക്കേറ്റ അജീറിന്റെ ബന്ധു ഫാത്തിമയെ സ്വകാര്യ ആശുപത്രിയില്‍ പ്രവേശിപ്പിച്ചു. കണ്ണാടിപ്പറമ്പിലെ ബന്ധുവീട്ടില്‍ നിന്നു കാട്ടാമ്പള്ളിയിലേക്കുള്ള പോകും വഴിയാണ് സ്‌കൂട്ടര്‍ വൈദ്യുത തൂണില്‍ ഇടിച്ചത്. അജീറിന്റെ ബൈക്ക് പോസ്റ്റിലിടിക്കുന്നത് കണ്ട് നിയന്ത്രണം വിട്ടാണ് പിന്നാലെ വന്ന മറ്റൊരു സ്‌കൂട്ടറിലുണ്ടായിരുന്ന ഫാത്തിമയ്ക്ക് വീണ് പരിക്കേറ്റത്.
English Summary;Accident in Kannur when scooter hits electric pole; A young man and a five-year-old girl died
You may also like this video
