മഹാരാഷ്ട്രയിൽ മിനി ബസ് കണ്ടെയ്നറിലിടിച്ച് 12 പേർ മരിച്ചു. 23 പേർക്ക് പരിക്കേറ്റു. ഛത്രപതി സംഭാജിനഗർ ജില്ലയിലെ സമൃദ്ധി എക്സ്പ്രസ് വേയിലാണ് അപകടമുണ്ടായത്. സംഭാജിനഗറിലെ തീര്‍ത്ഥാടക കേന്ദ്രം സഞ്ചരിച്ച നാസിക്കിലേക്ക് മടങ്ങുകയായിരുന്നവരുടെ സംഘമാണ് അപകടത്തില്‍പ്പെട്ടത്. എക്സ്പ്രസ് വേയിലെ വൈജാപൂർ മേഖലയിൽ പുലർച്ചെ 12.30 ഓടെയായിരുന്നു അപകടം.
സ്വകാര്യ മിനി ബസിൽ 35 യാത്രക്കാരാണ് ഉണ്ടായിരുന്നത്. ബസ് അമിതവേഗത്തിലായിരുന്നെന്നാണ് റിപ്പോർട്ട്. നിയന്ത്രണം നഷ്ടപ്പെട്ട ബസ് കണ്ടെയ്‌നറിൽ ഇടിക്കുകയായിരുന്നു. പരിക്കേറ്റവരെ സർക്കാർ ആശുപത്രിയിൽ പ്രവേശിപ്പിച്ചു. സംഭവത്തില്‍ കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി പൊലീസ് പറഞ്ഞു. അപകടം ഞെട്ടലുളവാക്കിയതായും മരിച്ചവരുടെ കുടുംബത്തിന് അഞ്ച് ലക്ഷം രൂപ സഹായധനം അനുവദിച്ചതായും മഹാരാഷ്ട്ര മുഖ്യമന്ത്രി ഏക്നാഥ് ഷിന്‍ഡെ പറഞ്ഞു.
English Summary: Accident in minibus container: 12 people including pilgrims died
You may also like this video
