ഇംഗ്ലണ്ടിന്റെ വടക്കുകിഴക്കന് തീരത്ത് കടലില് ചരക്ക് കപ്പലും ഓയില് ടാങ്കറും കൂട്ടിയിടിച്ച് തീപിടിച്ചു. 30 പേര് അപകടത്തില്പ്പെട്ടതായാണ് റിപ്പോര്ട്ട്. തീ പടര്ന്ന കപ്പലില് നിന്ന പരിക്കേറ്റവരെ കരയില് എത്തിച്ച് ആശുപത്രിയിലേക്ക് മാറ്റിക്കൊണ്ടിരിക്കുകയാണ്. പരിക്കേറ്റവരുടെ ആരോഗ്യനില വ്യക്തമല്ല.
യുഎസ് കമ്പനിയുടെ സ്റ്റെന ഇമ്മാക്കുലേറ്റ് എന്ന ടാങ്കറും പോര്ച്ചുഗലിന്റെ സോളോങ് എന്ന ചരക്ക് കപ്പലുമാണ് കൂട്ടിയിടിച്ചത്. ബ്രിട്ടന്റെ വടക്കുകിഴക്കന് തീരത്തുള്ള തുറമുഖങ്ങളില് നിന്ന് നെതര്ലാന്ഡ്സ്, ജര്മ്മനി എന്നിവിടങ്ങളിലേക്ക് ഗതാഗതം നടക്കുന്ന പാതയിലാണ് സംഭവം. അപകടത്തിന്റെ കാരണം വ്യക്തമല്ല. സ്കോട്ടിഷ് തുറമുഖമായ ഗ്രാഞ്ച്മൗത്തില് നിന്ന് പുറപ്പെട്ട് നെതര്ലാന്ഡിലേക്ക് പോകുകയായിരുന്നു ചരക്കു കപ്പല്. ബ്രിട്ടീഷ് തീരസംരക്ഷണ സേനയും അഗ്നിശമന സേനയും അപകട സ്ഥലത്ത് രക്ഷാപ്രവര്ത്തനം തുടരുകയാണ്.