രാജീവ് ഗാന്ധി വധക്കേസിലെ പ്രതി ശാന്തൻ മരിച്ചു. കേസില്‍ ഇയാളെ സുപ്രീം കോടതി വിട്ടയച്ചിരുന്നു. കരൾ തകരാറിനെ തുടർന്ന് ചെന്നൈയിലെ രാജീവ് ഗാന്ധി സർക്കാർ മെഡിക്കൽ കോളജിൽ ചികിത്സയിലിരിക്കെ ഇന്ന് രാവിലെയാണ് ശാന്തൻ മരിച്ചത്.
1991ൽ മുൻ പ്രധാനമന്ത്രി രാജീവ് ഗാന്ധിയെ കൊലപ്പെടുത്തിയ കേസിൽ 20 വർഷത്തിലധികം ജയിൽ ശിക്ഷ അനുഭവിച്ച ശേഷം 2022ൽ സുപ്രീം കോടതി അദ്ദേഹത്തെ മോചിപ്പിച്ചിരുന്നു.
ശ്രീലങ്കൻ പൗരനായ ശാന്തൻ മോചിതനായ ശേഷം മറ്റ് മൂന്ന് പ്രതികൾക്കൊപ്പം ട്രിച്ചിയിലെ പ്രത്യേക ക്യാമ്പിൽ കഴിയുകയായിരുന്നു. അദ്ദേഹത്തെ ശ്രീലങ്കയിലേക്ക് നാടുകടത്തേണ്ടി വന്നു. മൃതദേഹം ശ്രീലങ്കയിലേക്ക് അയക്കുന്നതിനുള്ള നിയമപരമായ നടപടികള്‍ പുരോഗമിക്കുന്നു.
English Summary: Accused in Rajiv Gandhi assassination case dies
You may also like this video
