അയൽവാസിയായ നാലര വയസുള്ള ആൺകുട്ടിയെ ലൈംഗികമായി പീഡിപ്പിച്ച കേസിൽ പ്രതിയായ എഴുകോൺ ഇരുമ്പനങ്ങാട് ലക്ഷംവീട് സ്വദേശി ആദിത്യനെ (20) കൊട്ടാരക്കര ഫാസ്റ്റ് ട്രാക്ക് കോടതി അഞ്ചുവർഷം തടവിനും 5000 രൂപ പിഴയും ശിക്ഷ വിധിച്ചു.
കൊട്ടാരക്കര ഫാസ്റ്റ് ട്രാക്ക് കോടതി ജഡ്ജി അഞ്ചു മീര ബിർലയാണ് വിധി പ്രസ്താവിച്ചത്. 2023 നവംബർ 26 നാണ് കേസിനാസ്പദമായ സംഭവം ഉണ്ടായത്. എഴുകോൺ പൊലിസ് സ്റ്റേഷൻ സബ് ഇൻസ്പെക്ടർ നന്ദകുമാര്‍ എഫ്ഐആർ രജിസ്റ്റർ ചെയ്തത കേസില്‍ സബ്ഇൻസ്പെക്ടർ എ അനീസാണ് അന്വേഷണം നടത്തി ചാർജ് ഷീറ്റ് ഹാജരാക്കിയത്. പ്രോസിക്യൂഷന് വേണ്ടി അഡ്വ. ഷുഗു സി തോമസ് ഹാജരായി.