മാരകമായ രോഗം ബാധിച്ച പാവപ്പെട്ടവരെ സഹായിക്കാന്‍ മണ്ണഞ്ചേരി ഗ്രാമപഞ്ചായത്ത് 14-ാം വാര്‍ഡില്‍ ആക്രി-ന്യൂസ് പേപ്പര്‍ ചലഞ്ചിന് തുടക്കമായി. ഇരുവൃക്കകളും തകരാറിലായതിനെ തുടര്‍ന്ന് നാട് കൈകോര്‍ത്ത് വൃക്കമാറ്റിവെയ്ക്കല്‍ ശസ്ത്രക്രിയയ്ക്ക് വിധേയനായ ഒറ്റക്കണ്ടത്തില്‍ ധനേഷ് പരിപാടി ഉദ്ഘാടനം ചെയ്തു. ഒരാഴ്ച നീണ്ടുനില്‍ക്കുന്ന ക്യാമ്പയിനിലൂടെ ലഭിക്കുന്ന പണം മാരക രോഗം ബാധിച്ച് ചികിത്സയില്‍ കഴിയുന്ന പാവപ്പെട്ടവര്‍ക്ക് നല്‍കും. ഉദ്ഘാടന ചടങ്ങില്‍ വാര്‍ഡ് അംഗം പി ജി സുനില്‍കുമാര്‍, കണ്‍വീനര്‍ എം ജയേഷ്, കെ സത്യപാലന്‍, സജിത എന്നിവര്‍ പങ്കെടുത്തു. ഏറ്റവും കൂടുതല്‍ ആക്രസാധനങ്ങള്‍ നല്‍കുന്ന വീട്ടുടമസ്ഥനും കളക്ട് ചെയ്യുന്ന പ്രവര്‍ത്തകര്‍ക്കും വളര്‍ത്തുമുയല്‍ സമ്മാനമായി നല്‍കും.
English Summary: Acre Challenge has started in Mannancherry