മുല്ലപ്പെരിയാര്‍ ബേബി ഡാമിലെ മരം മുറി ഉത്തരവിൽ കുറ്റക്കാർക്കെതിരെ നടപടി വേണമെന്നും രാഷ്ട്രീയ നേതൃത്വം ഈ കാര്യം ഗൗരവമായി പരിഗണിക്കണമെന്നും സിപിഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു.
മുല്ലപ്പെരിയാർ കേരളത്തിന്റെ പ്രധാന വിഷയമാണ്. ഇതിലെ ഉത്തരവാദികളെ കണ്ടെത്തണം. ഉദ്യോഗസ്ഥർ തന്നെ തീരുമാനമെടുക്കുന്നത് ശരിയായ നടപടിയല്ലെന്നും അദ്ദേഹം കൂട്ടിച്ചേർത്തു. അമ്പലപ്പുഴയിൽ മാധ്യമ പ്രവർത്തകരുടെ ചോദ്യങ്ങളോട് പ്രതികരിക്കുകയായിരുന്നു കാനം.
ഇന്ധന നികുതി കേരളം കുറക്കേണ്ടതില്ല. കേരളത്തിൽ ആറ് വർഷമായി നികുതി കൂടിയിട്ടില്ല. ഉമ്മൻചാണ്ടി മുഖ്യമന്ത്രി ആയിരുന്നതിനേക്കാൾ നികുതി ഒരു ശതമാനം കുറവാണ് ഇപ്പോൾ കേരളത്തിലുള്ളത്. നികുതി കൂട്ടിയവരാണ് കുറയ്ക്കേണ്ടത്. ജി സുധാകരനെതിരായ നടപടി സിപിഐ എമ്മിന്റെ ആഭ്യന്തര കാര്യമായി കണ്ടാൽ മതിയെന്നും അദ്ദേഹം പറഞ്ഞു.
english summary; action should be taken against the culprits in Mullaperiyar issu; Kanam
you may also like this video;
