സിനിമാ ചിത്രീകരണത്തിനിടെ നടൻ അര്‍ജുൻ അശോകന് പരിക്കേറ്റു. കൊച്ചിയിലെ എംജി റോഡില്‍ വച്ച് ബ്രൊമാൻസ് എന്ന സിനിമയുടെ ചിത്രീകരണം പുരോഗമിക്കവെ കാര്‍ തലകീഴായി മറിഞ്ഞാണ് അപകടമുണ്ടായത്. പുലർച്ചെ 1: 30 ഓടെയാണ് അപകടം നടന്നതെന്നാണ് വിവരം.
സിനിമയിലെ ചെയ്സിംഗ് സീൻ ചിത്രീകരണത്തിനിടെയാണ് അപകടം. നിയന്ത്രണം വിട്ട കാർ സമീപത്തെ ബൈക്കിലും മുന്നില്‍ ഉണ്ടായിരുന്ന മറ്റൊരു കാറിലും ഇടിച്ച്‌ തല കീഴായി മറിയുകയായിരുന്നു. നാട്ടുകാരെത്തി വാഹനം ഉയർത്തി. അപകടത്തില്‍ നടൻ അർജുൻ അശോകൻ , സംഗീത് പ്രതാപ്, മാത്യു തോമസ് എന്നിവർക്കും രണ്ട് ബൈക്ക് യാത്രക്കാർക്കും പരിക്കേറ്റു. സ്വകാര്യ ആശുപത്രിയില്‍ ചികിത്സ തേടിയ ഇവരുടെ ആരോഗ്യനില തൃപ്തികരമാണ്.
English Summary: Actor Arjun Ashokan injured during movie shooting in Kochi
You may also like this video
