നടി തൃഷയ്ക്കെതിരെ അശ്ലീല പരാമര്‍ശവും സ്ത്രീവിരുദ്ധ പരാമര്‍ശങ്ങളും നടത്തിയതില്‍ മാപ്പു പറഞ്ഞ് നടന്‍ മന്‍സൂര്‍ അലി ഖാന്‍. നടന്‍ പുറത്തിറക്കിയ വാര്‍ത്താ കുറിപ്പിലാണ് ഖേദപ്രകടനം നടത്തിയിരിക്കുന്നത്. സംഭവത്തില്‍ തൃഷ പ്രതികരിച്ചതോടെ തമിഴ് സിനിമാ ലോകം ഒന്നടങ്കം മന്‍സൂര്‍ അലിക്കെതിരെ വിമര്‍ശനവുമായി രംഗത്തെത്തിയിരുന്നു. വിജയ് ചിത്രം ലിയോയുമായി ബന്ധപ്പെട്ടുള്ള അഭിമുഖത്തിനിടെയാണ് നടന്‍ തൃഷയ്ക്കെതിരെ അശ്ലീല പരാമര്‍ശം നടത്തിയത്.
ഒപ്പം ഖുഷ്ബു, റോജ എന്നീ നടിമാരെ കുറിച്ചും മോശം പരാമര്‍ശം നടത്തി. തൃഷയ്ക്ക് പിന്നാലെ ലിയോ സംവിധായകന്‍ ലോകേഷ് കനകരാജ്, നടിയും മന്ത്രിയുമായ റോജ, നടിയും ദേശീയ വനിതാ കമ്മിഷന്‍ അംഗവുമായ ഖുഷ്ബു, ഗായിക ചിന്മയി, നടി മാളവിക മോഹന്‍ എന്നിവരും മന്‍സൂര്‍ അലി ഖാനെതിരെ രംഗത്തെത്തിയിരുന്നു.
തൃഷയാണ് നായികയെന്ന് അറിഞ്ഞപ്പോള്‍ നടിക്കൊപ്പം കിടപ്പറ രംഗങ്ങളില്‍ അഭിനയിക്കാന്‍ അവസരം ലഭിക്കുമെന്നായിരുന്ന പ്രതീക്ഷ. മുന്‍ സിനിമകളില്‍ പീഡന രംഗങ്ങളില്‍ അഭിനയിച്ചിട്ടുണ്ടെങ്കിലും ഇപ്പോള്‍ അവസരം ലഭിക്കാറില്ല എന്നായിരുന്നു ഇയാള്‍ പരാമര്‍ശിച്ചത്.
English Summary: Actor Mansoor Ali Khan finally apologizes in statement against actress Trisha
You may also like this video
