നടിയെ ആക്രമിച്ച കേസ്; ശ്രീലേഖയുടേത് വെറും ആരോപണം മാത്രമെന്ന് ബാലചന്ദ്രകുമാർ

നടിയെ ആക്രമിച്ച കേസുമായി ബന്ധപ്പെട്ട് മുൻ ജയിൽ ഡിജിപി ആർ ശ്രീലേഖ നടത്തിയ വെളിപ്പെടുത്തൽ കേസിലെ പ്രതി നടൻ ദിലീപിനെ രക്ഷിക്കാനുള്ള ശ്രമമെന്ന് സംവിധായകൻ ബാലചന്ദ്രകുമാർ.

ശ്രീലേഖ ഇപ്പോൾ പറഞ്ഞ കാര്യങ്ങൾ എന്തുകൊണ്ട് സർക്കാരിനെ അറിയിച്ചില്ലെന്നും ശ്രീലേഖയ്ക്ക് ദിലീപിനോട് ആരാധനയാണെന്നും ബാലചന്ദ്രകുമാർ പറഞ്ഞു. ശ്രീലേഖയ്ക്ക് അജൻഡയുണ്ട്. ഉന്നയിച്ചത് ആരോപണം മാത്രമെന്നും അദ്ദേഹം പറഞ്ഞു.

നടിയെ ആക്രമിച്ച കേസിൽ ദിലീപിനെ പിന്തുണച്ചുകൊണ്ടാണ് മുൻ ജയിൽ ഡിജിപി ആർ ശ്രീലേഖ രംഗത്തെത്തിയത്. കേസില്‍ ദിലീപ് നിരപരാധിയാണെന്നും ആർ ശ്രീലേഖ വ്യക്തമാക്കി.

Eng­lish summary;Actress assault case; Bal­achan­dra Kumar said Srilekha’s is just an allegation

You may also like this video;