സമൂഹത്തില്‍ നടക്കുന്ന തെറ്റായ കാര്യങ്ങള്‍ സിനമാക്കാര്‍ ഇഡി വരുമോ എന്ന് ഭയക്കുന്നത് കൊണ്ട് പറയുന്നില്ലെന്ന് സംവിധായകന്‍ അടൂര്‍ ഗോപാലകൃഷ്ണന്‍. ബിജെപി നേതാവും ഗോവ ഗവര്‍ണറുമായ ശ്രീധരന്‍പിള്ളയെ വേദിയിലിരുത്തിയായിരുന്നു അടൂരിന്‍റെ പരാമാര്‍ശം.
എഴുത്തുജീവിതത്തിൽ 50 വർഷങ്ങൾ പൂർത്തിയാക്കിയതിന് ശ്രീധരൻ പിള്ളയ്ക്ക് തിരുവനന്തപുരം പ്രസ് ക്ലബ്ബിൽ നൽകിയ അനുമോദനചടങ്ങിൽ പങ്കെടുക്കുകയായിരുന്നു ഇരുവരും. തെറ്റായ കാര്യങ്ങൾ തുറന്നുപറയാത്ത പലർക്കും പലതും സംരക്ഷിക്കാനുണ്ട്. സൗകര്യങ്ങളും പദവികളുമൊക്കെ നോക്കിയിരിക്കുന്നവരും ഒട്ടേറെയാണ്.
നല്ല കാര്യങ്ങൾ കണ്ടാൽ വിളിച്ചുപറയുന്നയാളാണ് ഞാൻ.ചീത്ത കാര്യങ്ങളെക്കുറിച്ചും മടിയില്ലാതെ പറയും. കാണുന്ന കാര്യങ്ങളെക്കുറിച്ച് തുറന്നുപറച്ചിലിനു ഭയവുമില്ല അടൂര്‍ അഭിപ്രായപ്പെട്ടു.കലാബോധവും സാഹിത്യബോധവുമുള്ള നേതാക്കൾക്കേ ജനങ്ങളുമായി ഇടപഴകാൻ സാധിക്കൂ എന്നും അദ്ദേഹം പറഞ്ഞുഅതേസമയം, വൈകാരികതയല്ല മനുഷ്യനെ നയിക്കേണ്ടതെന്നും ജനാധിപത്യത്തിന്റെ സൗന്ദര്യം വൈവിധ്യവും വ്യത്യസ്തതയുമാണെന്നും ശ്രീധരൻപിള്ള പറഞ്ഞു. രാജ്യതാത്പര്യങ്ങളെ സംരക്ഷിക്കേണ്ട സമീപനമാണ് എല്ലാവരും സ്വീകരിക്കേണ്ടത് എന്നും അദ്ദേഹം എടുത്തു പറഞു
English Summary:
Adoor says that filmmakers don’t talk about wrong things going on in the society because they are afraid of exposing them
You may also like this video:
