അഖിലേന്ത്യ ദളിത് അവകാശ സമിതി (എഐഡിആര്‍എം) സംസ്ഥാന ക്യാമ്പ് സമാപിച്ചു. ക്യാമ്പിനോട് അനുബന്ധിച്ച് ഇന്നലെ നടന്ന സെമിനാര്‍ സിപിഐ ദേശീയ എക്സിക്യൂട്ടീവംഗം അഡ്വ. കെ പ്രകാശ് ബാബു ഉദ്ഘാടനം ചെയ്തു. ദളിത് വിഭാഗത്തിന് ലഭിക്കേണ്ട അവകാശങ്ങള്‍ ധ്വംസിക്കപ്പെടുകയാണെന്ന് അദ്ദേഹം പറഞ്ഞു. കാലഘട്ടങ്ങള്‍ മാറി മറിഞ്ഞിട്ടും ദളിത് വിഭാഗത്തിലുള്‍പ്പെടുന്നവര്‍ ഇന്നും സമൂഹത്തില്‍ അവഗണന ഏറ്റുവാങ്ങുകയാണ്.
കേന്ദ്ര സര്‍ക്കാരും അവര്‍ക്കെതിരെ മുഖംതിരിക്കുകയാണ്. ഭരണഘടന ഉറപ്പുനല്‍കുന്ന അവകാശങ്ങള്‍ ദളിത് ജനതക്ക് ലഭ്യമാക്കണമെന്നും അദ്ദേഹം ആവശ്യപ്പെട്ടു. എഐഡിആര്‍എം പ്രസിഡന്റ് എ രാമമൂര്‍ത്തി, സംസ്ഥാന പ്രസിഡന്റും മുന്‍ എംഎല്‍എയുമായ അഡ്വ. എന്‍ രാജന്‍, സിപിഐ ജില്ലാ സെക്രട്ടറി കെ സലിംകുമാര്‍ തുടങ്ങിയവര്‍ സന്നിഹിതരായിരുന്നു. രണ്ട് ദിവസങ്ങളിലായി നടന്ന ക്യാമ്പില്‍ 140ഓളം പ്രതിനിധികള്‍ പങ്കെടുത്തു.
English Summary: Adv. K. Prakash Babu speech
You may also like this video
