സൂര്യ നായകനായി എത്തി ബോക്സ് ഓഫീസില്‍ വിജയം നേടിയ വാരണം ആയിരം സിനിമ 15 വര്‍ഷത്തിന് ശേഷം വീണ്ടും വരുന്നു. 2008ൽ ഗൗതം മേനോൻ സംവിധാനം ചെയ്ത ചിത്രത്തിൽ അച്ഛൻ കൃഷ്ണൻ, മകൻ സൂര്യ എന്നീ രണ്ട് കഥാപാത്രങ്ങളെയാണ് സൂര്യ അവതരിപ്പിച്ചത്. സമീറ റെഡ്ഡി, സിമ്രാൻ, ദിവ്യ സ്പന്ദന തുട‌ങ്ങിയവർ ചിത്രത്തിൽ നായികമാരായി എത്തിയത്.
ചിത്രത്തിന്റെ തമിഴ് പതിപ്പാണ് ആരാധകരെ സ്വന്തമാക്കിയതെങ്കിലും റീ റിലീസിന് തമിഴ് വേർഷനല്ല എത്തുന്നത്. സൂര്യ സൺ ഓഫ് കൃഷ്ണൻ എന്ന പേരിൽ ചിത്രത്തിന്റെ തെലുങ്ക് പതിപ്പാണ് റീ റിലീസ് ചെയ്യുന്നത്. ഇന്ത്യക്ക് പുറമെ യുഎസിലും ചിത്രം പ്രദർശനത്തിന് എത്തുന്നുണ്ട്. യുഎസ്സിൽ ജൂലൈ 19നും ഇന്ത്യയിൽ 21നുമാണ് ചിത്രത്തിൻറെ റീ റിലീസ്. ചിത്രത്തിന്റെ 3.12 മിനിറ്റ് ദൈർഘ്യമുള്ള ഒരു ട്രെയിലറും അണിയറക്കാർ പുറത്തിറക്കിയിരുന്നു.
English Summary:After 15 years, Vaaranam aayiram is re releasing
You may also like this video
