ടെസ്റ്റ് ക്രിക്കറ്റില്‍ അപൂര്‍വനേട്ടത്തിലെത്തി ഇന്ത്യന്‍ താരം ചേതേശ്വര്‍ പുജാര. സജീവ ക്രിക്കറ്റില്‍ ഓസ്ട്രേലിയയ്ക്കെതിരെ 2000 റണ്‍സ് നേടുന്ന ഏക ഇന്ത്യന്‍ താരമെന്ന നേട്ടത്തിലാണ് പുജാരയെത്തിയത്. മൂന്ന് പേര് മാത്രമാണ് ഈ നേട്ടത്തില്‍ മുന്‍പ് എത്തിയത്. സാക്ഷാല്‍ സച്ചിന്‍ ടെണ്ടുല്‍ക്കര്‍, രാഹുല്‍ ദ്രാവിഡ്, വിവിഎസ് ലക്ഷ്മണ്‍. ഇതിഹാസങ്ങളുടെ എലൈറ്റ് പട്ടികയിലേക്കാണ് നാലാമനായി പുജാരയും തന്റെ പേര് എഴുതി ചേര്‍ത്തിരിക്കുന്നത്. ഓസ്ട്രേലിയയ്‌ക്കെതിരേ 24 ടെസ്റ്റ് മത്സരങ്ങള്‍ കളിച്ചാണ് പുജാര 2000 റണ്‍സ് നേടിയത്. ഇന്ത്യക്ക് വേണ്ടി 100 ടെസ്റ്റ് മത്സരങ്ങള്‍ കളിക്കാനുള്ള സൗഭാഗ്യവും പുജാരയ്ക്ക് ലഭിച്ചിരുന്നു. ദ്രാവിഡ്, ലക്ഷ്മണ്‍ എന്നിവര്‍ക്ക് ശേഷം നിലവിലെ ക്രിക്കറ്റില്‍ വിശ്വസ്തനായ താരമാണ് പുജാര.
English Summary;After Dravid and Laxman, Pujara also achieved a rare feat
You may also like this video
