കൃഷി സമൃദ്ധി പദ്ധതി ജീവിതത്തിന്റെ ഭാഗമാക്കേണ്ട ഒരു സമീപനമാണെന്ന്‌ മന്ത്രി പി പ്രസാദ് പറഞ്ഞു. കൃഷി സമൃദ്ധി പദ്ധതിയുടെ ജില്ലാതല ഉദ്ഘാടനം നിർവഹിക്കുകയായിരുന്നു മന്ത്രി. പദ്ധതിയിലൂടെ സർക്കാർ ലക്ഷ്യമിടുന്നത്‌ പച്ചക്കറിഉൽപ്പാദനത്തിൽ സ്വയം പര്യാപ്തതയാണ്. നെൽവയലുകൾ സംരക്ഷിക്കണമെന്നും മന്ത്രി പറഞ്ഞു.
വി ശശി എംഎൽഎ അധ്യക്ഷനായി. കൃഷിഭവനും ചിറയിൻകീഴ് സഹകരണ ബാങ്കും സംയുക്തമായി കൃഷിക്കൂട്ടങ്ങൾക്കായി ആരംഭിച്ച കൃഷിനാണയം ജില്ലാ പഞ്ചായത്ത് വൈസ് പ്രസിഡന്റ് എ ഷൈലജാബീഗവും ബാങ്ക് പ്രസിഡന്റ് ആർ ഷാജിയും ചേർന്ന് മന്ത്രിയിൽനിന്ന് ഏറ്റുവാങ്ങി. സംസ്ഥാന കർഷക അവാർഡ് ജേതാവ് അനിൽ ദേവിനെ ആദരിച്ചു. കതിർ ആപ്‌ മുഖേന തയ്യാറാക്കിയ ഐഡി കാർഡ് മന്ത്രി വിതരണം ചെയ്തു.
പ്രിൻസിപ്പൽ അഗ്രികൾച്ചർ ഓഫീസർ എസ് അനിൽകുമാർ പദ്ധതി വിശദീകരിച്ചു. ജില്ലാ പഞ്ചായത്തംഗം ആർ സുഭാഷ്, ബ്ലോക്ക് പ്രസിഡന്റ് പി സി ജയശ്രീ, പഞ്ചായത്ത് പ്രസിഡന്റ് എം അബ്‌ദുൾ വാഹീദ്, ആർ സരിത, പി മണികണ്ഠൻ, ജില്ലാ കൃഷി ഓഫീസർ എസ് അനിൽകുമാർ, സി എൽ മിനി, ബി മിനിദാസ്, കൃഷി ഓഫീസർ എസ് ജയകുമാർ എന്നിവർ സംസാരിച്ചു. ആദ്യഘട്ടത്തിൽ തെരഞ്ഞെടുത്ത 107 പഞ്ചായത്തുകളിലാണ് പദ്ധതി ആരംഭിക്കുന്നത്.